бактериологиялық қарудан қорғану

(Противобактериологическая защита)

жаппай қырып-жою қаруынан қорғанудың құрама бөлігі адамдарға, жануарларға және тыл объектілеріне бактериологиялық (биоло-гиялық) қару әсерін жібермеу немесе әлсірету мақсатында жүргізілетін арнайы шаралар кешені. Ол қарсыластың бактериологиялық (биологиялық) қару қолдану қатері туралы дәл уақытында ескертуді, бактериологиялық (биологиялық) жағдайды білуді, зақымданған жерлерде әрекет ету кезіндегі жеке құрамның қауіпсіздігін, індетке қарсы санитарлық-гигиеналық және арнайы сақтандыру шараларын және қарсыластардың бактериологиялық (биологиялық) қаруды қолдануының салдарын жоюды қамтамасыз етеді. Бактериологиялық (биологиялық) қару-дың әсерін әлсірету мақсатында жүргізілетін шараларға: биологиялық барлау, жеке және ұжымдық қорғаныс құралдарын қолдану, емдік және санитариялық гигиенаны, ал қажет болған жағдайда әскерлер мен халық арасында емдеу шараларын жүргізу, жарақат алғандарға алғашқы медициналық көмек көрсету, бактериологиялық (биология-лық) қару қолданылуының зардаптарын жою жатады.